Simple & About Web2.0

பழமையான முதல் 100 டாட்காம் தளங்கள் - பட்டியல்

வளர்ந்து வரும் நாடுகளில் இன்டர்நெட் வசதி இல்லாத நகரம் என்று இல்லையென்று சொல்லும் அளவிற்கு தொழில்நுட்பம் வளர்ந்து நிற்கிறது. ஒரு காலத்தில்(ரொம்ப இல்லீங்க 10 வருசத்துக்கு முன்னாடி வச்சிக்கோங்க) பெரிய நிறுவனங்கள் மட்டுமே இணைய வசதி, தன்க்கென்று இணையதளங்களை வைத்திருந்தன. ஆனால் இந்த 10 ஆண்டுகளில் தனி நபர் ஒருவரும் தனக்கென்று இணையதளம் அப்படி இல்லையென்றால் வலைப்பூ வைத்திருக்கும் அளவுக்கு வசதிகள், தொழில்நுட்பம் முன்னேறி விட்டது. 25 ஆண்டுகளுக்கு முன்னர் ரீவைண்ட் செய்தால் இன்டர்நெட்டின் ஆரம்ப காலத்து செல்ல முடியும். பெரிய நிறுவனங்கள் அப்போது தான் தோன்றத்துவங்கிய காலம். புதிய ஆப்பரேட்டிங் சிஸ்டம் அறிமுகம், புதிய புரோகிராம் அறிமுகம் என்று பல்வேறு பெரிய நிறுவனங்கள் தங்களை வெளி உலகுக்கு அறிமுகப்படுத்திய காலம். MS Dos, Turbo C என்று புதிது புதிதாக டெக்னிக்கல் வார்த்தைகள் வெளிவந்தன. அதே காலகட்டத்தில் தான் இன்டர்நெட் வசதியும் ஏற்படத்தொடங்கியது.

சரி யார் முதன் முதலில் தனக்கென்று புதிய இணையதளம் தொடங்கினார்கள் என்று பார்ப்போம். இப்போது இருக்கும் ஜாம்பவான்களான யாஹூ, கூகுள் போன்ற நிறுவனங்கள் எல்லாம் அப்போது இணையதளங்களை தனக்கென்று உருவாக்கவில்லை. முதன் முதல் அறிமுகமான இணையதளம் symbolics.com. 1985 ஆம் ஆண்டு மார்ச் 15ம் தேதி இந்த இணையத்தளம் அறிமுகமானது. கணினி தயாரிக்கும் நிறுவனம் இந்த தளத்தை அறிமுகப்படுத்தியது. ஆனால் இந்த நிறுவனம் 90களில் திவால் ஆனது. ஆனாலும் பல புதிய உரிமையாளர்களால் தொடர்ந்து இயங்கி வருகிறது. உலகின் முதல் இணையதளம் என்ற பெருமையையும் தொடர்ந்து இயங்கிவரும் பெருமையையும் இது பெற்றுள்ளது. இதன் பிறகு பெரிய நிறுவனங்களான ஹச்.பி, ஐபிஎம், ஏடி&டி, ஆப்பிள் போன்ற நிறுவனங்கள் 1986 மற்றும் 1987 ஆம் ஆண்டுகளில் இணையதளம் உருவாக்கின. மைக்ரோசாப்ட் நிறுவனமே 1991 ஆம் ஆண்டு தான் தனக்கென்று இணையதளம் உருவாக்கியது. யாஹூ நிறுவனம் 1995ல் தனது இணையதளத்தை அறிமுகப்படுத்தியது. 1997ல் கூகுள் தனது தளத்தை உருவாக்கியது. இன்று கணக்கில் அடங்கா இணையதளங்கள் பல உருவாகி உள்ளன. இன்னும் 10 ஆண்டுகளில் பல லட்சம் கோடிகளை இணையதள எண்ணிக்கை தாண்டும் என்றும் கருத்து நிலவுகிறது.
சரி இனி முதன் முதலில் உருவாக்கப்பட்ட இணையதளங்களின் பட்டியலைப்பார்ப்போம்

1. symbolics.com: மார்ச் 15, 1985
2. bbn.com: ஏப்ரல் 24, 1985
3. think.com: மே 24, 1985
4. mcc.com: ஜீலை 11, 1985
5. dec.com: செப்டம்பர் 30, 1985
6. northrop.com: நவம்பர் 7, 1985
7. xerox.com: ஜனவரி 9, 1986
8. sri.com: ஜனவரி 17, 1986
9. hp.com: மார்ச் 3, 1986
10. bellcore.com: மார்ச் 5, 1986
11. ibm.com: மார்ச் 19, 1986
12. sun.com: மார்ச் 19, 1986
13. intel.com: மார்ச் 25, 1986
14. ti.com: மார்ச் 25, 1986
15. att.com: ஏப்ரல் 25, 1986
16. gmr.com: மே 8, 1986
17. tek.com: மே 8, 1986
18. fmc.com: ஜீலை 10, 1986
19. ub.com: ஜீலை 10, 1986
20. bell-atl.com: ஆகஸ்டு 5, 1986
21. ge.com: ஆகஸ்டு 5, 1986
22. grebyn.com: ஆகஸ்டு 5, 1986
23. isc.com: ஆகஸ்டு 5, 1986
24. nsc.com: ஆகஸ்டு 5, 1986
25. stargate.com: ஆகஸ்டு 5, 1986
26. boeing.com: செப்டம்பர் 2, 1986
27. itcorp.com: செப்டம்பர் 18, 1986
28. siemens.com: செப்டம்பர் 29, 1986
29. pyramid.com: அக்டோபர் 18, 1986
30. alphacdc.com: அக்டோபர் 27, 1986
31. bdm.com: அக்டோபர் 27, 1986
32. fluke.com: அக்டோபர் 27, 1986
33. inmet.com: அக்டோபர் 27, 1986
34. kesmai.com: அக்டோபர் 27, 1986
35. mentor.com: அக்டோபர் 27, 1986
36. nec.com: அக்டோபர் 27, 1986
37. ray.com: அக்டோபர் 27, 1986
38. rosemount.com: அக்டோபர் 27, 1986
39. vortex.com: அக்டோபர் 27, 1986
40. alcoa.com: நவம்பர் 5, 1986
41. gte.com: நவம்பர் 5, 1986
42. adobe.com: நவம்பர் 17, 1986
43. amd.com: நவம்பர் 17, 1986
44. das.com: நவம்பர் 17, 1986
45. data-io.com: நவம்பர் 17, 1986
46. octopus.com: நவம்பர் 17, 1986
47. portal.com: நவம்பர் 17, 1986
48. teltone.com: நவம்பர் 17, 1986
49. 3com.com: டிசம்பர் 11, 1986
50. amdahl.com: டிசம்பர் 11, 1986
51. ccur.com: டிசம்பர் 11, 1986
52. ci.com: டிசம்பர் 11, 1986
53. convergent.com: டிசம்பர் 11, 1986
54. dg.com: டிசம்பர் 11, 1986
55. peregrine.com: டிசம்பர் 11, 1986
56. quad.com: டிசம்பர் 11, 1986
57. sq.com: டிசம்பர் 11, 1986
58. tandy.com: டிசம்பர் 11, 1986
59. tti.com: டிசம்பர் 11, 1986
60. unisys.com: டிசம்பர் 11, 1986
61. cgi.com: ஜனவரி 19, 1987
62. cts.com: ஜனவரி 19, 1987
63. spdcc.com: ஜனவரி 19, 1987
64. apple.com: பிப்ரவரி 19, 1987
65. nma.com: மார்ச் 4, 1987
66. prime.com: மார்ச் 4, 1987
67. philips.com: ஏப்ரல் 4, 1987
68. datacube.com: ஏப்ரல் 23, 1987
69. kai.com: ஏப்ரல் 23, 1987
70. tic.com: ஏப்ரல் 23, 1987
71. vine.com: ஏப்ரல் 23, 1987
72. ncr.com: ஏப்ரல் 30, 1987
73. cisco.com: மே 14, 1987
74. rdl.com: மே 14, 1987
75. slb.com: மே 20, 1987
76. parcplace.com: மே 27, 1987
77. utc.com: மே 27, 1987
78. ide.com: ஜீன் 26, 1987
79. trw.com: ஜீலை 9, 1987
80. unipress.com: ஜீலை 13, 1987
81. dupont.com: ஜீலை 27, 1987
82. lockheed.com: ஜீலை 27, 1987
83. rosetta.com: ஜீலை 28, 1987
84. toad.com: ஆகஸ்டு 18, 1987
85. quick.com: ஆகஸ்டு 31, 1987
86. allied.com: செப்டம்பர் 3, 1987
87. dsc.com: செப்டம்பர் 3, 1987
88. sco.com: செப்டம்பர் 3, 1987
89. gene.com: செப்டம்பர் 22, 1987
90. kccs.com: செப்டம்பர் 22, 1987
91. spectra.com: செப்டம்பர் 22, 1987
92. wlk.com: செப்டம்பர் 22, 1987
93. mentat.com: செப்டம்பர் 30, 1987
94. wyse.com: அக்டோபர் 14, 1987
95. cfg.com: நவம்பர் 2, 1987
96. marble.com: நவம்பர் 9, 1987
97. cayman.com: நவம்பர் 16, 1987
98. entity.com: நவம்பர் 16, 1987
99. ksr.com: நவம்பர் 24, 1987
100. nynexst.com: நவம்பர் 30, 1987

விண்டோஸ் அசூர் : அடுத்த தலைமுறைக்கான முகில் கணினி - பாகம் 2

மைக்ரோசாப்ட் நிறுவனங்களின் தலைமை செயல் அதிகாரி திரு.ஸ்டீவ் பால்மர், மைக்ரோசாப்ட் வாடிக்கையாளர்களுக்கு அனுப்பியுள்ள கடிதத்தின் தமிழாக்கம் இங்கே இணைக்கப்பட்டுள்ளது.

* Cloud Computingக்கான ஒரு புதிய தளம்

இக்கூட்டத்தில், மைக்ரோசாப்ட் நிறுவனத்தின் புதிய கண்டுபிடிப்பான விண்டோஸ் அஸ்யூர் (Windows Azure) பற்றி விவாதிக்கப்பட்டது. இதில், விண்டோஸ் அஸ்யூரானது, ஒரே நேரத்தில் கணினி, இணையத்தளம், அலைபேசி என மூன்றிலும் தகவல் பரிமாற்றம் செய்து கொள்வதற்கு ஏற்ற மென்பொருளாகும். மேலும், விண்டோஸ்7, விண்டோஸ் சர்வர் 2008 ஆர் 2 என்ற ஆபரேட்டிங் சிஸ்டத்திலும் இந்த மென்பொருள் இயங்கும் வகையில் ஏராளமான தொழில்நுட்ப வசதிகள் இதில் செய்யப்பட்டுள்ளன.
இதில், விண்டோஸ்7 என்பது தற்போது பயன்படுத்தப்படும் விண்டோஸ் டெஸ்க்டாப் ஆபரேட்டிங் சிஸ்டத்துக்கு அடுத்த மாற்று ஆபரேட்டிங் சிஸ்டமாகும். இந்த ஆபரேட்டிங் சிஸ்டத்தில், இப்போதுள்ள தகவல் பரிமாற்றத்தில் உள்ள குறைபாடுகளை நிவர்த்தி செய்து தரப்பட்டுள்ளது. இதுதவிர, ஏற்கனவே வழக்கத்தில் உள்ள வேர்டு எக்ஸல் பவர்பாயின்ட் போன்றவற்றிலும் சில மாறுதல்கள் செய்யப்பட்டு, தகவல் பரிமாற்றத்துக்கு ஏற்ற வகையில் செய்யப்பட்டுள்ளன.
உதாரணத்துக்கு, இப்போதுள்ள மைக்ரோசாப்ட் வேர்டுவில் உள்ள வார்த்தைகளை, இணையத்தளத்தில் இருந்தவாறே வெட்டவோ, நீக்கவோ, அதில் ஏதேனும் திருத்தங்களோ செய்ய முடியாது. ஆனால், இப்போது கண்டுபிடிக்கப்பட்டுள்ள புதிய மைக்ரோசாப்ட் ஆபீஸ் மென்பொருளில், இதுபோன்ற குறைபாடுகள் நீக்கப்பட்டு, தகவல் பரிமாற்றத்துக்கு ஏற்ற வகையில், மிகவும் சுலபமாக வார்த்தைகளை கத்தரித்து, நீக்கி, சேர்த்து என எதை வேண்டுமானாலும் செய்து கொள்ளும் வகையில் மாற்றம் செய்யப்பட்டுள்ளது. கணினியில் மட்டுமல்லாது, அலைபேசியில் இணையத்தளத்தைப் பயன்படுத்தும்போதும், இவ்வாறு செய்யலாம். அந்த வசதி, இந்த மென்பொருளில் செய்து தரப்பட்டுள்ளது.
விண்டோஸ் அஸ்யூர்ரானது, மென்பொருள் என உறுதியாகக் கூற முடியாது. அது ஒரு புதிய கண்டுபிடிப்பு. அவ்வளவுதான். எனவே, இதை வணிக ரீதியிலான அலுவலகங்கள், தங்கள் சர்வர் கணினியில் போட்டு பயன்படுத்த முடியாது. தற்போதைய வியாபார உலகில், தகவல் பரிமாற்றத்தை மேலும் எளிமைபடுத்துவதற்காகக் கண்டுபிடிக்கப்பட்ட ஒரு புதிய கண்டுபிடிப்பு. எனவே, இதை மற்ற இதர மென்பொருட்களைப் போல் அவ்வளவு எளிதாக சர்வர் கணினியில் போட்டு பயன்படுத்த முடியாது. அதே சமயம், ஒரு அலுவலகத்துக்கும், அதன் வாடிக்கையாளர்களுக்கும் தேவையான தகவல் பரிமாற்றங்களை மேலும் எளிமையாக்கும் வகையில் இந்தக் கண்டுபிடிப்பு 100 சதவீதம் வெற்றிகரமாகச் செயல்படும் என்பதில் மட்டும் எள்ளளவும் சந்தேகமில்லை.

* மென்பொருள் மற்றும் அதற்க்கான சேவை
--------------------------------------------------------------------------------


பொதுவாகவே, எந்த ஒரு நிறுவனமும் மென்பொருள் தயாரித்து, சந்தைப்படுத்தியபின் அந்த மென்பொருள் மீதான சேவையைத் தொடர வேண்டும். அப்போதுதான், வாடிக்கையாளர் மத்தியில் அந்த மென்பொருளுக்கு நல்ல வரவேற்பு கிடைக்கும். அந்த வகையில், விண்டோஸ் அஸ்யூர்க்கு கண்டிப்பாகச் சேவை என்பது 100 சதவீதம் நிச்சயம் உண்டு. மேலும், இந்தக் கண்டுபிடிப்பைச் சந்தைப்படுத்துதலுக்கு முன்னரே பல வகையிலும், பல கட்டத்திலும், ஏராளமான சோதனைகள் செய்யப்பட்டுள்ளன என்பது குறிப்பிடத்தக்கது.
சேவை என்பது மென்பொருட்களைப் பொறுத்தவரை இணையத்தள ரீதியிலான சேவைகளைத்தான் குறிப்பிடுவர். அந்த வகையில், விண்டோஸ் அஸ்யூருக்கு இணையத்தள ரீதியிலான சேவைகள் கண்டிப்பாகச் செய்யப்படும். வாடிக்கையாளர்கள் தெரிவிக்கும் குறைகள், உடனுக்குடன் நிவர்த்தி செய்யப்படும். இந்தப் புதிய விண்டோஸ் அஸ்யூரை பயன்படுத்தும் நபர்கள் கண்டிப்பாக, இதுவரை இல்லாத ஒரு புதுவித அனுபவத்தைப் பெறுவது நிச்சயம். அந்த அளவுக்கு, இந்த புதிய மென்பொருளில் ஏராளமான அனுகூலங்கள் உள்ளன. குறிப்பாக, தகவல் பரிமாற்றத்துக்காக மட்டுமே ஏராளமான விஷயங்கள் இந்த மென்பொருளில் புகுத்தப்பட்டுள்ளன.
எனவே, இந்த புதிய மென்பொருளைப் பயன்படுத்தும் நபர்கள் கண்டிப்பாகப் புதிய தலைமுறை மென்பொருளைப் பயன்படுத்துகிறோம் என்ற அனுபவத்தைப் பெறுவது நிச்சயம் என்கின்றனர் இதன் தயாரிப்பாளர்கள்.

* தனியாள் கணினிகள் மேம்படுத்துதல்
--------------------------------------------------------------------------------


கிளவுட் கம்ப்யூட்டிங் என்பதே, ஒரே நேரத்தில் யார் வேண்டுமானாலும், எங்கிருந்தபடியும், தங்களுடைய கருத்தை, தகவலைப் பரிமாற்றம் செய்து கொள்ளலாம் என்பதற்காக கண்டுபிடிக்கப்பட்டதுதான். மேலும், இதற்காக வேறு எந்தப் பிரத்யேகக் கருவியையும் தேடாமல், நம் கையிலேயே உள்ள சாதாரண அலைபேசியை வைத்தேகூட இணையத்தளத்தைப் பயன்படுத்தி தகவல்களை எளிதாகப் பரிமாற்றம் செய்து கொள்ளலாம் என்பதற்காகவும் கண்டுபிடிக்கப்பட்டது. மேலும், தகவல் பரிமாற்றத்தில் இதுநாள்வரை உள்ள கட்டுப்பாடுகளையும், கட்டமைப்புகளையும் உடைத்து, இன்னும் எளிமைப்படுத்துவதற்காகவும் கண்டுபிடிக்கப்பட்டுள்ளது.
அந்த வகையில், தகவல் பரிமாற்ற உலகில் இனி கிளவுட் கம்ப்யூட்டிங்கும், அதற்குப் பெரிதும் உதவிடும் வகையில் புதிதாகக் கண்டுபிடிக்கப்பட்டுள்ள விண்டோஸ் அஸ்யூர் மென்பொருளும், அந்த மென்பொருளுக்குத் தேவையான ஆன்லைன் சேவைகளும், தகவல் தொழில்நுட்ப உலகில் மிகப்பெரிய மாற்றத்தை ஏற்படுத்தும் என்பதில் எள்ளளவும் சந்தேகமேயில்லை. மேலும், பரந்து விரிந்த இந்த உலகை, ஏற்கனவே இணையத்தளம் என்ற ஒன்றின் மூலம், கணினி அளவுக்குச் சுருக்கி விட்டோம்.
இனி, அதை மேலும் சுருக்கி, கையடக்க அலைபேசியிலேயே நம் உலகைக் கொண்டு வந்து விடும் அளவுக்கு கிளவுட் கம்ப்யூட்டிங்கும், அதற்கு உதவிடும் வகையில் கண்டுபிடிக்கப்பட்ட விண்டோஸ் அஸ்யூர் மென்பொருளும், மிகப்பெரிய அளவில் தகவல் பரிமாற்ற உலகில் புகுந்து விளையாடப் போகின்றன.

இனி, கணினி என்பது வெறும் தகவல்களைச் சேமிக்க வைக்க உதவும் ஒரு கருவியாகத்தான் பயன்படப் போகிறது. இணையத்தளத்தைப் பொறுத்தவரை, இனி கையடக்க அலைபேசியே போதும் என்ற நிலை இனி வந்து விடும். இதுதவிர, வழக்கமாக நாம் அலைபேசியைப் பயன்படுத்தும் காரியங்களுக்கும் எப்போதும் போல் பயன்படுத்திக் கொள்ளலாம்.
இதுகுறித்து கணினி மென்பொருள் வல்லுநர்கள் சிலர் கூறுகையில், தகவல் பரிமாற்றத்தைப் பொறுத்தவரை, இனி கிளவுட் கம்ப்யூட்டிங்கையும், விண்டோஸ் அஸ்யூரையும் யாராலும் மறுக்க முடியாது. கையடக்க அலைபேசி, கணினி மற்றும் இணையத்தளம் இம்மூன்றையும் ஒரே நேரத்தில் இணைக்க இனி பெரிதும் பயன்படப் போவது இவ்விரண்டும்தான். எனவே, இனி தகவல் பரிமாற்றத்துக்காக யாரும், எங்கும் அலைய வேண்டாம். வீட்டில் இருந்தபடியோ அல்லது அலுவலகத்தில் இருந்தபடியோ அல்லது வேறு எங்கேனும் இருந்தபடியோ மிகவும் எளிதாக தகவல்களைப் பெற முடியும். தகவல்களை அனுப்ப முடியும். அதுபோல், பெறப்பட்ட தகவல்களைச் சேமிக்கவும் முடியும்.

Source : Tamilvanigam

விண்டோஸ் அசூர் : அடுத்த தலைமுறைக்கான முகில் கணினி - பாகம் 1

மைக்ரோசாப்ட் நிறுவனங்களின் தலைமை செயல் அதிகாரி திரு.ஸ்டீவ் பால்மர், மைக்ரோசாப்ட் வாடிக்கையாளர்களுக்கு அனுப்பியுள்ள கடிதத்தின் தமிழாக்கம் தமிழ் வணிகம் வாசகர்களுக்காக இங்கே இணைக்கப்பட்டுள்ளது .

கடந்த 10 ஆண்டுகளில் தகவல் தொழில்நுட்பத்துறை அசுர வளர்ச்சியடைந்ததன் மூலம் உலகில் மிகப்பெரிய மாற்றங்கள், புரட்சிகள் ஏற்பட்டன எனலாம். இந்தப் புரட்சி மற்றும் மாற்றங்கள் வாயிலாக ஒருவரை மற்றொருவர் இப்படித்தான் தொடர்பு கொள்ள முடியும் என்ற நிலை மாறி, இப்படியும் தொடர்பு கொள்ளலாம் என்ற நிலை தகவல் தொழில்நுட்பத்தின் மூலம் ஏற்பட்டுள்ளது.

இதன்மூலம், இந்த விஷயங்கள்தான் என்றில்லாமல், எல்லா விஷயங்களையும் இன்றைக்கு ஒருவரை மற்றொருவர் தொடர்பு கொண்டு தன் கருத்தைப் பகிர்ந்து கொள்கிறார். அந்த அளவுக்கு இன்றைய சூழலில் தகவல் தொழில்நுட்பத்தில் ஏராளமான மாற்றங்கள் ஏற்பட்டு விட்டன. இன்றைய தகவல் தொழில்நுட்பத்தில் நாம் கவனிக்க வேண்டிய மற்றொரு அம்சம் என்னவெனில், தகவல் கூறுபவரும் சரி, தகவல் பெறுபவரும் சரி, இந்த இடத்தில்தான் இருக்க வேண்டும் என்ற சூழ்நிலையும் மாறி, எந்த இடத்திற்கு சென்றாலும்  அந்த இடத்தில் இருந்து மற்றொருவரை தொடர்பு கொள்ளலாம் அல்லது...எந்த இடத்தில் இருந்தும் தாங்கள் தெரிவிக்க வேண்டிய கருத்துகளை, விஷயங்களைத் தெரிவிக்கலாம். அந்த அளவுக்கு இன்றைய தகவல் தொழில்நுட்பமானது இமாலய வளர்ச்சி பெற்றுள்ளது.

இத்துறையைப் பொறுத்தவரை, இன்று கண்டுபிடிக்கப்படும் ஒரு பொருள் நாளையே பழையதாகிவிடும். அந்த அளவுக்கு அசூர வளர்ச்சியில் வளர்ந்துகொண்டிருக்கிறது. அதோடு இத்துறையில் தினம் ஒரு புதிய கண்டுபிடிப்பு வந்து கொண்டுள்ளது. அப்படியே, இத்துறையில் தினம் ஒரு புதிய கண்டுபிடிப்பு வந்தாலும், ஏதாவது ஒரு கண்டுபிடிப்பு அப்படியே மக்கள் மனதில் நன்கு பதிந்து விடும். அம்மாதிரியான கண்டுபிடிப்புகளும் இத்துறையில் சாத்தியம். அந்த வகையில்      " Cloud Computing" என்ற கண்டுபிடிப்பைக் கூறலாம். இந்த முகில் கணினி இம்முறையின் மூலம், ஒரே நேரத்தில் இவ்வளவு பேர்தான் என்றில்லாமல், எவ்வளவு பேர் வேண்டுமானாலும் எங்கும் தொடர்புகொண்டு பேச முடியும். தகவல்களையும் பரிமாறிக் கொள்ள முடியும்.

அதுபோல், பரிமாறிக் கொள்ளும் தகவல்களை கணினியில் சேமித்து வைப்பதும் சாத்தியம். அந்த அளவுக்கு " Cloud Computing"  கண்டுபிடிப்பில் ஏராளமான அனுகூலமான விஷயங்கள் உள்ளன.

ஆனால், இதுபோன்ற மாற்றங்கள், புரட்சிகள் அனைத்தும் வணிக ரீதியில் பயன்படுத்தப்படும் கணினிகளுக்கு மட்டுமே சாத்தியமாகிறது. ஆனால், வீட்டிலுள்ள கணினியில் அவ்வளவு எளிதாகச் சாத்தியமாகாமல் போகிறதே? இந்தக் கேள்வி உள்பட, ஏராளமான கேள்விகளுக்கு விடை காணும் வகையில்  அமெரிக்காவில் உள்ள லாஸ் ஏஞ்சல்ஸ் நகரில் Professional Developers Conference  என்ற கூட்டம் கூட்டப்பட்டது.

இந்தக் கூட்டத்தில், வீட்டில் உள்ள கணினிகளுக்கும் இதுபோன்ற பயனுள்ள சில கண்டுபிடிப்புகளைப் பயன்படுத்தி வெற்றி பெறுவது குறித்து விரிவாக விவாதிக்கப்பட்டது. மேலும், புதிய மென்பொருள் கண்டுபிடிப்புப் பற்றியும், அவ்வாறு கண்டுபிடிக்கப்படும் புதிய மென்பொருள், தகவல் தொழில்நுட்பத் துறையில் தற்போது பயன்படுத்தப்படும் கண்டுபிடிப்புகளில் உள்ள குறைபாடுகளை நிவர்த்தி செய்யும் வகையில் இருக்க வேண்டும் என்றும் முடிவு செய்யப்பட்டது. இதுகுறித்து கணினி வல்லுநர்கள் சிலர் கூறுகையில், இணையத்தளத்தைப் பயன்படுத்துவோரில், இ&மெயிலுக்காக பயன்படுத்துவோரின் எண்ணிக்கைதான் அதிகம்.

இதற்காக, தனியே கணினியின் உதவி தேவைப்படுகிறது. என்னதான், கையடக்க அலைபேசியிலேயே (மொபைல்போன்) இணையத்தளத்தை பார்க்கும் வசதி இருந்தாலும், அதிலும் ஏராளமான சிக்கல்கள் இருக்கின்றன. ஒரு சில விலை உயர்ந்த அலைபேசியில் மட்டும்தான் எவ்வித சிரமமும் இன்றி இணையத்தளத்தைப் பயன்படுத்திக் கொள்ளலாம். விலையுயர்ந்த அலைபேசியை வாங்கிப் பயன்படுத்துவது என்பது அனைவராலும் சாத்தியப்படாது. எனவே, சாதாரண பாமர மக்களும் கணினி மட்டுமல்லாது தங்களிடம் இருக்கும் அலைபேசி உள்ளிட்ட எந்தத் தகவல் தொழில்நுட்பக் கருவியிலேயே இணையத்தளம் மூலம் தகவல் பரிமாற்றத்தைச் செய்து கொள்ளும் வகையில் புதிய மென்பொருள் தயாரிக்கப்பட வேண்டும்....கண்டுபிடிக்க வேண்டும் என இக்கூட்டத்தில் முடிவு செய்யப்பட்டது, என்றனர்.

Source: Tamilvanigam.in

தமிழ் SPELL CHECK மென்பொருள் - தமிழில் ஒர் புதிய அத்தியாயம்

இன்று தமிழில் தட்டச்சு செய்ய பல மென்பொருட்கள் (இ-கலப்பை, NHM , மற்றும் கீமேன்)  போன்ற மென்பொருட்கள் இருந்தாலும் அச்சுத்துறைக்கு ஏற்ற ஒரு மென்பொருளாக இதுவரை ஸ்ரீலிபி மற்றும் அனு போன்ற மென்பொருட்களை நாம் பயன்படுத்தி வந்தோம். ஆனால் புதிய மென்பொருளை சர்மா ப்ராடக்ஸ் மற்றும் சொல்யூசன்ஸ் நிறுவனத்தினர் உருவாக்கியுள்ள விசைத்தமிழ் எனும் மென்பொருள் எல்லா தரப்பினருக்கும் ஏற்ற ஒரு மென்பொருளாகவே இருக்கிறது. அந்த மென்பொருளின் சிறப்பம்சங்கள் பற்றிய ஒரு பார்வை!

விசைத்தமிழ்
எந்த ஃபான்ட் லும், எல்லா தட்டச்சு முறைகளிலும்  தமிழில் தட்டச்சு செய்ய என்ற கோட்பாட்டை அடிப்படையாக கொண்டு உருவாக்கப்பட்டுள்ளது இந்த மென்பொருள்

விசைத்தமிழ் என்ற மென்பொருள் மூலம் நமது கணினியில் தமிழில் தட்டச்சு செய்யலாம் உங்களுக்கு தெரிந்த உள்ளீட்டு முறையில், உதாரணத்திற்கு நீங்கள் செந்தமிழ் பாண்ட்களை பயன்படுத்தினால் அந்த செந்திமிழ் பாண்ட் ஐ பயன்படுத்தி உங்களுக்கு தெரிந்த டைப்-ரேட்டர் , தமிலிங்கிஸ் முறை போன்று 12 வகையான முறையில் பேஜ்மேக்கர், வேர்டு, அடோப் இன்டிசைன், உட்பட எல்லா மென்பொருள்களிலும் தட்டச்சு செய்யமுடியும்.

அதோடு விண்டோஸ் XP,  முதல் விண்டோஸ்  விஸ்டா  வரை windows - ன் எல்லா ஆபரேட்டிங் சிஸ்டம்களிலும் இயங்கும்.

தமிழ் எழுத்துருக்கள், விசைப்பலகைகள் சார்ந்த அனைத்து சிக்கல்களுக்கும், தடைகளுக்கும் முழுமையானத் தீர்வாக வெளிவந்திருக்கிறது. தமிழ் மொழியில் ஏறத்தாழ 100 க்கும் மேற்பட்ட எழுத்துருக் குடும்பங்களும், 10-ற்கும் மேற்பட்ட விசைபலகை வகைகளும் உள்ளன.இவை எல்லாவற்றிலும் இயங்கூடிய வகையில் இந்த மெனபொருட்கள் வந்துள்ளது குறிப்பிட்டத் தக்கது

இந்த மென்பொருட்களோடு உடன் வரும் துணை மென்பொருட்கள்

ஸ்பெல் செக் : தமிழில் முதன்முறையாக 23 இலட்சம் வார்த்தைகளை உள்ளடக்கிய தமிழ் Sell Checker , விசைத்தமிழ் மென்பொருளில் இணைக்கப்பட்டுள்ளது. இதன் மூலம் தமிழில் எந்த மென்பொருளில் டைப் செய்தாலும் ஒவ்வொரு வார்த்தையினையும் சொற்பிழை மற்றும் இலக்கணப் பிழைகளை கண்டறிந்து அதற்கான சரியான வார்த்தையை உடனே காண்பிக்கும் அதிவேக Sell Checker இம் மென்பொருளில் உள்ளது.

ஆட்டோ கரெக்ட் : தமிழில் இதுவரை  வந்துள்ள எல்லா மென்பொருள்களிலும் இயங்குவதாக உருவாக்கபட்டுள்ளது. இவை தமிழ் தட்டச்சு செய்யும் போது ஏற்படும் பிழைகளை தவிர்க்க உதவுகிறது. Ms-Word ன் Spell check போன்று

"ஃபான்ட் சாம்ப்ளர்" : ஒரே நேரத்தில் பல்வேறு ஃபான்ட்களில் வரும் எழுத்துருவை ஃப்ரிவீயூ காட்டுமாறு அமைக்கப்பட்டுள்ளது. இவ்வசதியினால் ஏராளமாக எழுத்துருக்களை வைத்துக் கொண்டு பயன்படுத்த முடியாமல் இருக்கும் பல பயனாளர்கள் பெரிதும் பயன் பெறுவர்.

தமிழ் - ஆங்கிலம் அகராதி (டிக்ச்னரி) : இதில் ஏறத்தாழ 60,000 ஆங்கில வார்த்தைகளுக்கு 2,30,000 தமிழ் பொருள்களை கொண்டுள்ளது. மேலும் ஒரு எழுத்துருவிலிருந்து மற்றொரு எழுத்துருவிற்கு மாற்றித் தரும் ஒரு கருவியையும் இம்மென்பொருளில் இணைத்துள்ளார்கள். இதன் மூலம் எந்த தகவலையும் எளிதாக எந்த எழுத்துருவிலுருந்தும் எந்த எழுத்துருவிற்கும் ஒரு தகவலை மாற்றிக் கொள்ள முடியும். யுனிக்கோடிலும் மாற்றிக் கொள்ள முடியும். மேலும் சிறப்பம்சங்களாக முகவரி புத்தகம் மற்றும் மின்னஞ்சல் சேவையையும் விசைத்தமிழ் கொண்டுள்ளது.

Font Analyzer : ஃபான்ட் பகுப்பாய்வு மென்பொருள்

இந்த மென்பொருளின் மூலம் நமக்கு வந்திருக்கும் ஃபான்ட் எந்த முறையில் இருந்தாலும் நாம் பயன்படுத்தும் முறைக்கு மாற்றிவிடலாம்.
உதாரணத்திற்கு  வானவில் ஃபான்ட் பயன்படுத்துபவர்கள் பாமினி ஃபான்டிற்கு மாற்றிக்கொள்ளலாம். இப்படி 117 வகையான ஃபான்ட்களிலிருந்து நமக்கு வேண்டும் ஃபான்ட்களுக்கு மாற்றிக்கொள்ளலாம்.
(உம்) இளங்கோ <-> வானவில், இளங்கோ <-> யுனிகோடு , டாம்  <-> யுனிகோடு, போன்று எந்த ஃபான்ட் முறைகளுக்கு மாற்றிக்கொள்ளலாம்.

Tamil Sorting : அகர வரிசைப்படுத்துதல்

ஆங்கில மென்பொருட்களில் உள்ள அகர வரிசைப்படுத்துதல் போன்று தமிழில் நீங்கள் வைத்திருக்கும் அனைத்து முறைகளிலும் நீங்கள் அகர வரிசைப்படுத்தி வைக்கலாம்.

இந்த மென்பொருளை தற்போது அதிக அளவில் பயன்படுத்தபடுகின்ற ட்ரான்ஸ்லிட்ரேஷன் விசைமுறையை பயன்படுத்தியும் கூட எல்லாவகை எழுத்துருக்களிலும், யுனிக்கோடிலும் தட்டச்சு செய்ய முடியும் என்றவாறு உருவாக்கியுள்ளனர்.

மேலும் விபரங்களுக்கு www.tamil.sarma.co.in

Source: Tamilvanigam

இன்டெல்-ன் அதிநவீன ப்ராசசர் Core i7

கணினி என்றாலே நமக்கெல்லாம் ஆச்சர்யம்தான் வரும்? ஏனெனில் முழுவதும் இயந்திரங்களை கொண்டு அவைகளை கட்டுப்படுத்தி

மென்பொருள் எனப்படும் நிரலாக்கங்களை கொண்டு தேவையான போது மட்டும் மின்சாரத்தினை பெற்று இயங்குகின்றன. 0,1, ஆமாம், இல்லை என்ற இரு வார்த்தைகளை மட்டுமே தன் அகராதியாக வைத்துள்ள கணினி ஓர் மனிதன் போன்று அசாதாரணமாக கணக்கு, மனிதனின் தேவைகளை பூர்த்திச் செய்யக்கூடிய ரோபோ என அனைத்திலும் 0, 1 என்ற இரண்டு வார்த்தைகள்தான். ஆனால் அவைகளை வைத்து இன்று மனிதன் நமது அண்டவெளியின் எல்லையினையும் அறிய முயற்சி செய்து வருகிறான்.

இதற்கெல்லாம் ஓர் அத்தியாவசியமானது.


கணினியில் உள்ள ஃப்ராசசர்கள்தான். ஏன் அப்படி? நமக்கு முழு உடம்பு இருந்தாலும் அவற்றின் வேலைகளை நரம்புகளை கொண்டு மேலாண்மை செய்வது மூளைதான். அதே போலதான் மதர்போர்டும், ஃப்ராசசரும் இணைந்ததுதான் கணினி. எலக்ட்ரானிக்ஸ் சார்ந்த எந்த இடத்திலும் ஒரு ஃப்ராசசர் என்பது தேவையான ஒன்று. எனெனில் அது எந்த பயன்பாட்டுக்கு தேவை என்பதை மனதில் கொண்டு உருவாக்கப்படுபவை.சரி இது இங்கே எதற்கு என்கிறீர்களா?

உலகம் முழுவதும் கணினி நுகர்வோர் கணினியை வாங்க வேண்டும் என்றால் முதலில் கேட்பது இன்டெல் ப்ராண்டா? என்பதுதான். ஏனெனில் இன்று முழுமையான பயன்பாட்டில் மிக அதிகமாக பயன்படுத்தப் பட்டுக்கொண்டிருப்பது இன்டெல் தயாரிப்புகளைத்தான். இன்டெல் நிறுவனம் வளர்ந்து வரும் தொழில்நுட்பங்களையும், தேவைகளையும் கருத்தில் கொண்டு தனது வாடிக்கையாளர்களுக்கு அவ்வப்போது தனது தயாரிப்புகளை மேம்படுத்தி வெளியிட்டு வருகிறது .

ஆனால் தற்போது இன்டெல் நிறுவனம் இப்போதைய ப்ராசசர்களிலிருந்து வெளிவந்து புதிய தொழில்நுட்பத்துடன் intel core i 7 எனும் புதிய ஃப்ராசசர் - ஐ வெளியிட்டுள்ளது.

இந்த ப்ராசசரானது கணினியின் பயன்பாட்டை அதிகமாக பயன்படுத்தும் வீடியோ, ஆடியோ எடிட்டிங், விளையாட்டுக்களை தடையில்லாமல் இயக்கவும், மேலும் கணினியில் வேகத்தை குறைக்காமல் இயங்கும் வகையில் தனது புதிய ஃப்ராசசரை வெளியிட்டுள்ளது.

பொதுவாகவே எப்போது செயல்திறன் மேம்படுத்தப்பட்டாலும் அதற்கேற்றார்ப்போல் கணினியின் மின்சாரமும் அதிகமாகவே கணினி எடுத்துக்கொள்ளும். ஆனால் இந்த நிலை மாறி கணினியின் செயல்பாடு மேம்படுத்தப்பட்டுள்ளது. அதே சமயத்தில் புழக்கத்தில் இருக்கும் கணினிகள் எடுத்துக்கொள்ளும் மின்சார அளவை விட 40% குறைவாக எடுத்துக்கொண்டு இயங்குகிறது இந்த புதிய ஃப்ராசசர் intel core i 7.

அது மட்டுமல்ல முப்பரிமாணத் தொழில் நுட்பத்துடன் கூடிய செயல்களை core i7 ஃப்ராசசர்


கணிணியில் வழக்கத்தை விட 40 மடங்கு வேகத்தில் விரைவாக செய்து முடிக்க முடியும்.

இன்டெல் நிறுவனம் தனது வாடிக்கையாளர்களுக்கு மிகச் சிறந்த தொழில்நுட்பங்களையும், வாடிக்கையாளர்களுக்கு செலவினை குறைக்கம் வகையிலும்


நாளைய தொழில் நுட்பத்தை இன்றே அறிமுகம் செய்து விட வேண்டும் என்ற துடிப்பில், மிகச் சிறப்பான அம்சங்களுடன் இந்தப் புதிய ஃப்ராசசர் வடிவமைக்கப்பட்டுள்ளதாக இன்டெல் நிறுவனத்தின் தெற்காசிய வர்த்தக இயக்குனர் பிரகாஷ் பக்ரி தெரிவித்தார்.



இப்புதிய ஃப்ராசசரில் பல்வேறு புதிய மற்றும் மேம்படுத்தப்பட்ட தொழில்நுட்பங்கள் அறிமுகப்படுத்தப்பட்டுள்ளன.



டர்போ பூஸ்ட் தொழில்நுட்பம்

இன்டெல் நிறுவனம்

தனது தனித்தன்மை வாய்ந்த டர்போ பூஸ்ட் டெக்னாலஜி மூலம் கணினியின் செயல்திறனை அதிகப்படுத்தி நமது வேலைகளை மிக எளிதில் முடித்துவிடுகிறது. இந்த டர்போ பூஸ்டரானது ஒன்று அல்லது பல்வேறு செயலாக்கங்களுக்கு ஏற்றார்ப்போல் தானாகவே செயல்பட்டு கணினியை வெகு வேகமாக இயக்கிட வழி செய்கிறது.

ஹைப்பர் திரட்டிங் தொழில்நுட்பம் , ஸ்மார்ட் கேச் , இன்டெல் குயிக் பாத் இன்டர்கனெக்ட்,


உள்ளிணைந்த மெமரி கண்ட்ரோலர் , மற்றும் எச்டி பூஸ்டு போன்ற தொழில்நுட்பங்களை கொண்டுள்ள இந்திய புதிய ஃப்ராசசரானது அதிவேகமாக கணினியை இயக்குவோர்களின் விருப்ப தேர்வாக அமையும்.

இந்திய வாடிக்கையாளர்கள் Core I7 Processor பொருத்தப்பட்ட கணிணிகளை HCL, Wipro, Acer மற்றும் Dell நிறுவனங்கள், நாடு முழுவதும் உள்ள அங்கீகரிக்கப்பட்ட முகவர்கள் மற்றும், இணைய வர்த்தகத்தின் மூலமாகவும் எளிதில் பெற்றுக் கொள்ளலாம். புதிய கணிணியின் மேலதிகச் சிறப்பம்சங்கள் பற்றிய விரிவான தகவல்கள் இன்டெல் இணைய தளத்தில் வெளியிடப்பட்டுள்ளன. முகவரி www.intel.com/pressroom

www.blogs.intel.com

புரட்சியை ஏற்படுத்தப்போகும் மைக்ரோசாப்ட் சர்ஃபேஸ் கணினி

டெஸ்க்டாப், மற்றும் லேப்டாப் கணினி வகைகளில் இருந்து முற்றிலும் மாறுபட்ட, மிகவும் சிறப்பானதொரு கணினியாக, இரு புறமும் தகவல்களைப் பரிமாறிக் கொள்ளும் வகையிலான கணினியாக இன்று உலகளவில் இனம் கண்டறியப்பட்டுள்ள புதிய கண்டுபிடிப்புதான் மைக்ரோசாப்ட் சர்ஃபேஸ் கணினி.


மைக்ரோசாப்ட் நிறுவனத்தில் இருந்து வணிக ரீதியிலான கணினி வகைகளுள் மிகவும் சிறப்பானதொரு கணினியாக, பல வகையிலும் மேம்படுத்தப்பட்ட கணினியாக விற்பனைக்காக வர உள்ளது. இக்கணினியின் மூலம் எண்ணற்ற பயன்களைப் பெற முடியும். எண்ணற்ற சலுகைகளை, வசதிகளை அனுபவிக்க முடியும்.
ஏராளமான வசதிகள் இக்கணினியில் உள்ளன. நம்முடைய சாதாரணத் தொடுதல், அங்க அசைவுகள் போன்றவற்றாலேயே இக்கணினியை மிக எளிதாக இயக்க முடியும். இக்கணினியுடன் இணைக்கப்பட்டுள்ள 30 இன்ச் நீள, அகலம் கொண்ட அகண்ட திரையில், நாம் கணினி திரையில் பார்க்கிறோம் என்ற உணர்வே தெரியாத அளவுக்கு மிகத் துல்லியமாகப் படங்கள் தெரியும் அளவுக்கு வடிவமைக்கப்பட்டுள்ளது. நம் கண் முன்னே ஒரு நபர் அமர்ந்து நம்மிடம் பேசிக் கொண்டிருக்கிறார் என்ற உணர்வுதான் கண்டிப்பாக, இக்கணினியின் முன் அமர்ந்துள்ளவர்களுக்குத் தோன்றும்.


அந்த அளவுக்குப் படக்காட்சிகள் தெள்ளத் தெளிவாக உள்ளன. இதன்மூலம், கணினி முன் அமர்ந்திருக்கும்போது ஏற்படும் சலிப்பு, எரிச்சல் போன்றவை இக்கணினியின் முன் அமர்ந்திருக்கும்போது ஏற்படாது. பார்க்க....பார்க்க ஒரு விதப் பரவச உணர்வு ஏற்படுவது நிச்சயம் என்பதால், இக்கணினியைப் பயன்படுத்தலாம்....பயன்படுத்தலாம்....தொடர்ந்து பயன்படுத்திக் கொண்டேயிருக்கலாம். அந்த அளவுக்கு இந்தக் கணினியால் எதிரில் அமர்ந்திருப்பவர்களுக்கு எந்த ஒரு சலிப்பும் தட்டாது.

சர்ஃபேஸ் கணினி- ஓர் பார்வை

--------------------------------------------------------------------------------

தற்போது புழக்கத்தில் உள்ள இதர சாதாரணக் கணினிகளில் இருந்து சர்ஃபேஸ் கணினி முற்றிலும் மாறுபட்டது என்கிறது மைக்ரோசாப்ட் நிறுவனம். மேலும், மற்ற சாதாரண கணினிகளைப் பயன்படுத்தும்போது பெறும் தகவல்களுக்கும், இந்தக் கணினியைப் பயன்படுத்தும்போது பெறும் தகவல்களுக்கும் ஏராளமான வித்தியாசங்கள் உள்ளன என்றும் மைக்ரோசாப்ட் கூறுகிறது. சர்ஃபேஸ் கணினியில் உள்ள நான்கு மிக முக்கிய அம்சங்கள் குறித்து மைக்ரோசாப்ட் பட்டியலிட்டுள்ளது. அவை:

1. நேரடித் தகவல் பரிமாற்றம்: பொதுவாகவே, ஒரு கணினியை இயக்குவதற்கு மௌஸ் அல்லது கீ போர்டு கண்டிப்பாகத் தேவை. அப்போதுதான், கணினியில் உள்ள தகவல்களை நம்மால் பார்க்கவோ அல்லது கேட்கவோ முடியும். ஆனால் சர்ஃபேஸ் கணினியை இயக்க மௌஸ் அல்லது கீ போர்டு எதுவுமே தேவையில்லை. நம்முடைய அங்க அசைவு அல்லது தொடுதல் மூலம் எந்த ஒரு தகவலையும் கேட்கவோ, பார்க்கவோ, அனுப்பவோ முடியும்.

2. பலமுனைத் தொடுதல்: பொதுவாகவே, டச் ஸ்கிரீன் முறைகளை எடுத்துக் கொண்டால், ஒரு நேரத்தில் ஒருவரால் மட்டுமே அதுவும் ஒரு முறை மட்டுமே அந்த ஸ்கிரீன்ஐ தொட்டு இயக்க முடியும். ஆனால், சர்ஃபேஸ் கணினியில் அப்படியில்லை. யார் வேண்டுமானாலும், எப்பொழுது வேண்டுமானாலும், எவ்வளவு பேர் வேண்டுமானாலும், அதிலுள்ள டச் ஸ்கிரீன்ஐ தொட்டு இயக்கலாம். இப்படி ஒரே நேரத்தில் பலரும், பலவித வேலைகளைக் கொடுக்கும் போது, யாருடைய கட்டளைக்குக் கீழ்ப்படிந்து நடப்பது? என கணினி குழம்பிப் போகாது. கண்டிப்பாக, அனைவரின் கட்டளையையும் பதிவு செய்து அதற்கு ஏற்றவாறு செயல்படும் திறன் கொண்டது.

3. பலமுனை பயன்பாடு: பொதுவாகவே, ஒரு கணினியை ஒருவரால்தான் இயக்க முடியும். அதிகபட்சம், இரண்டுபேர் அதனை இயக்கலாம். ஆனால், அதற்கும் மேற்பட்ட நபர்களால் கண்டிப்பாக இயக்கவே முடியாது. ஆனால், சர்ஃபேஸ் கணினியைப் பொறுத்தவரை, எவ்வளவு பேர் வேண்டுமானாலும், ஒரே நேரத்தில் பயன்படுத்தலாம். தனியாகவும் பயன்படுத்திக் கொள்ளலாம்.

4. படத்துக்கு அங்கீகாரம்: பொதுவாகவே, கணினி திரையில் தெரியும் பிம்பங்களுக்குப் பெயர் சூட்டுவது வழக்கம். ஆனால், இதில், பெயர் சூட்டுவதற்குப் பதிலாகப் படங்களைக் கூட வைத்துக் கொள்ளலாம். அவ்வாறு செய்வதற்கு சர்ஃபேஸ் கணினி பரிபூரண ஒத்துழைப்பு அளிக்கும். இதன்மூலம், டிஜிட்டல் வகை தகவல்களையும் படங்களை வைத்து எளிதில் அனுப்பிக் கொள்ளலாம்.

சர்ஃபேஸ் கணினி & வேலை செய்யும் விதம்

--------------------------------------------------------------------------------


சர்ஃபேஸ் கணினியில் பிரத்யேகக் கேமிரா பொருத்தப்பட்டுள்ளது. இதன்மூலம், கணினியின் முன் அமர்ந்துள்ள நபரின் அங்க அசைவுகளைக் கணினி புரிந்து கொள்ளும். அதுபோல், அவர் என்ன தொடுகிறார்? எதற்காக தொடுகிறார்? போன்ற விஷயங்களையும் மிக விரைவாக, எளிதாகப் புரிந்து கொள்ளும்.


இந்தக் கணினியில் இன்ஃப்ரா ரெட் எனப்படும் அகச்சிவப்புக் கதிரும் இருப்பதால், நாம் மேஜைக்கு அடியில் கை வைத்திருந்தாலும், அந்தக் கை அசைவின் தன்மையை சர்ஃபேஸ் கணினி எளிதில் இனம் கண்டு கொள்ளும். எனவே, அந்த கை நகர்வுக்கு ஏற்ப, திரையிலும் நகர்தல் இருக்கும். நம்மைத் தொடுவது கையா? அல்லது வேறு ஏதேனும் பொருளா? என்பதையும் சர்ஃபேஸ் கணினி எளிதாக இனம் கண்டு கொள்ளும். இதற்காக விஷேச லென்ஸ் பொருத்தப்பட்டுள்ளது. உதாரணமாக, கை விரலுக்குப் பதிலாக, பெயின்ட் பிரஷ்ஷைக் கொண்டு கணினியை இயக்குகிறோம் என வைத்துக் கொள்ளுங்கள்....


கணினியைத் தொடுவது கை விரலா? அல்லது பெயின்ட் பிரஷ்ஷா என்பதை சர்ஃபேஸ் கணினி நொடியில் புரிந்து கொண்டு, அதற்குத் தக்கபடி திரையில் தன் பதிலைத் தெரிவிக்கும். இதன் அகண்ட திரைதான், இதன் சிறப்பம்சமே. இந்தத் திரையைப் பொருத்துவதற்கு மேஜைதான் தேவை என்றில்லை. சுவற்றில் கூட அப்படியே மாட்டி வைக்கலாம். கண்ணாடி பொருத்தும் இடத்தில்கூட பொருத்திக் கொள்ளலாம். அவ்வளவு ஏன்....உங்கள் வீட்டு பிரிட்ஜ்ஜின் கதவில் கூட பொருத்திக் கொள்ளலாம். எடை அதிகமிருக்காது. வீட்டின் எந்த மூலையிலும் இதை எளிதாகப் பொருத்தி, இயக்கலாம். கையாளலாம்.

எப்போது வணிக ரீதியாக விற்பனைக்கு வரும்?

--------------------------------------------------------------------------------


அமெரிக்காவிலுள்ள ஏ.டி.அண்டு டி., ஹராஹ் என்டர்டெயின்மென்ட், ஸ்டார்வூட் ஹோட்டல்ஸ் அண்டு ரிசார்ட்ஸ், டி&மொபைல்(யூ.எஸ்.ஏ.,) ஆகிய நிறுவனங்களைத்தான் தன்னுடைய அதிகாரப்பூர்வ வியாபாரப் பங்குதாரர்களாக மைக்ரோசாப்ட் நிறுவனம் அறிவித்துள்ளது. இதையடுத்து, இந்நிறுவனங்களின் பயன்பாட்டுக்கு சர்ஃபேஸ் கணினிகளைத் தயாரித்து அனுப்பும் பணியில் மைக்ரோசாப்ட் நிறுவனம் தற்போது முழு மூச்சில் ஈடுபட்டுள்ளது. இதற்கு அடுத்தபடியாக, அமெரிக்காவில் உள்ள சில்லரை விற்பனை நிலையங்களுக்கு சர்ஃபேஸ் கணினிகளைத் தயாரித்து அனுப்பும் முயற்சியில் மைக்ரோசாப்ட் இறங்கும்.


இப்போதே அமெரிக்காவில், சர்ஃபேஸ் கணினிக்கு ஏக வரவேற்பு கிடைத்துள்ளதாம். சில்லரை வணிகத்தில் விற்கத் தொடங்கினால், மற்ற நிறுவனக் கணினிகள் அனைத்தும் அப்படியே விற்காமல் நின்று போய்விடும். அந்த அளவுக்கு கணினி விற்பனை வரலாற்றில் சர்ஃபேஸ் கணினி ஒரு மிகப்பெரிய சகாப்தத்தையே ஏற்படுத்தப் போகிறது. இதன் வரவை அனைவரும் எதிர்நோக்கிக் காத்துள்ளனர். இன்னும் மூன்றிலிருந்து ஐந்து ஆண்டுகளுக்குள் சர்ஃபேஸ் கணினிகள் முழு வீச்சில் சில்லரை வணிகம் மூலம் கிடைக்கும் வகையில் அனைத்து ஏற்பாடுகளும் செய்யப்பட்டு வருகின்றன.

சர்ஃபேஸ் கணினி பற்றிய சில வீடியோ தொகுப்புகளும் இணையத்தளத்தில் இடம் பெற்றுள்ளன. இந்த வீடியோ தொகுப்பில், இந்தக் கணினியைப் பற்றிய முழு தகவல்களும் இடம் பெற்றுள்ளன. சர்ஃபேஸ் கணினியைப் பற்றி பார்த்திராத, கேட்டிராத, அறிந்திராத பல தகவல்கள் இந்த இணையத்தளத்தில் இடம் பெற்றுள்ளன.

இணையதளத்தில் சர்ஃபேஸ் கணினி

--------------------------------------------------------------------------------

கீழே தரப்பட்டுள்ள இணையதள முகவரிகளில் சர்ஃபேஸ் கணினியைப் பற்றிய விவரங்களை நீங்கள் பார்த்து, தெரிந்து, அறிந்து கொள்ளலாம்.

Press Release: http://www.microsoft.com/presspass/presskits/surfacecomputing/default.mspx

Product Team Blog: http://blogs.msdn.com/surface/

Product Homepage: http://www.microsoft.com/surface/index.html

Product Demo Videos: http://www.microsoft.com/surface/videos.html

Source: www.tamilvanigam.in

மைக்ரோசாப்டின் கனவு உலகம்(ட்ரீம்ஸ்பார்க் ) இலவசமாக

கூகிள், யாஹி, லினக்ஸ், ஜாவா என்று தனக்கெதிராக பெருகிவரும் தொழில்நுட்ப போட்டிகளில் தன்னை நிலைநிறுத்திக்கொள்ள மைக்ரோசாப்ட் நிறுவனம் அவ்வப்போது புதியதாக ஏதாவது செய்து தன் வாடிக்கையாளர்களை கவரச் செய்வது இயல்பு.

அந்த வரிசையில் தற்போது புதியதாக சேர்ந்திருப்பது ட்ரீம்ஸ்பார்க். ஏற்கனவே இருந்த சில திட்டங்களின் ஒரு மாதிரி என்று கருதலாம்.
எப்படி மைக்ரோசாப்ட் நிறுவனம் மென்பொருட்களை மேலாண்மை செய்பவர்களையும், அதை வைத்து பயன்படுத்துபவர்களையும் இலக்காக வைத்து பயனாளர்கள் குழுமங்களை இந்தியாவின் அனைத்து மாநிலங்களிலும் நடத்தி வருகிறது. இதில் மைக்ரோசாப்ட் நிறுவனத்தின் எல்லா மென்பொருட்களைப் பற்றியும் அவ்வப்போது மைக்ரோசாப்ட் நிறுவனத்தின் பயிற்றுநர்கள் மூலம் அந்த பயிற்சி குழுமும் நடைபெற்று வரும். அதோடு இமெஜின் கப் என்று பல்வேறு வடிவங்களின் மூலம் மாணவர்களையும், பயனாளர்களையும் கொண்டு செயல்பட்டு வருகிறது.
இதற்க்கிடையில் புதியதாக உருவாக்கப்பட்டுள்ள இந்த ட்ரீம்ஸ்பார்க்கின் முக்கிய நோக்கமே மாணவ/மாணவியர்களை சிறந்த மென்பொருள் உருவாக்குநர்களாகவும்,  மென்பொருள் நிரல் உருவாக்குநர்களாகவும் உருவாக்க உள்ளதாக தெரிவிக்கின்றனது மைக்ரோசாப்ட் நிறுவனம். அதில் குறிப்பிட்டதக்க அம்சம் எல்லாமே இலவசம்.

என்னது இலவசமா? மைக்ரோசாப்டா என்று நாம் நினைத்தால் ஆம் மைக்ரோசாப்ட் நிறுவனம் இலவசமாகவே தன் மென்பொருட்களை வழங்குகிறது. ஆனால் மாணவர்களுக்கு மட்டும் இந்த மென்பொருட்கள் வழங்கப்படுகிறது.
ஏற்கனவே தனது விசுவல் ஸ்டூடியோ மற்றும் எம்எஸ் எக்கியூஎல் போன்ற மென்பொருட்களை இலவசமாக விநியோகித்த மைக்ரோசாப்ட் நிறுவனம் தற்போது மாணவ/மாணவியர்களுக்கு இலவசமாக இந்த மென்பொருட்களை வழங்க உள்ளது.

மென்பொருட்கள்
மைக்ரோசாப்டின் புதிய வெளியீடான விசுவல் ஸ்டூடியோ 2008 தொழில் பதிப்பும், மற்றும் மைக்ரோசாப்டின் சர்வர் இயங்குதளமான விண்டோஸ் 2003, தகவல் தள மென்பொருளான எம்எஸ் எஸ்கியூஎல் சர்வர் மற்றும் இணைய தள இன்று பெரும்பாலானோரில் அதிகமாக பயன்படுத்தும்  மைக்ரோசாப்ட் எக்ஸ்பிரசன் ஸ்டூடியோ  , விளையாட்டுக்களை உருவாக்கஉதவும் எக்ஸ் என்ஏ போன்ற மற்றும் விசுவல் ஸ்டூடியோ எக்ஸ்பிரஸ் பதிப்பில் உள்ள அனைத்து மென்பொருட்களும் கட்டணமில்லாமல் இலவசமாக மாணவர்கள் பயன்படுத்தப் வெளியிடப்பட்டுள்ளது.
இதில் குறிப்பிட்டத்தகுந்த அம்சம் என்னவெனில் மைக்ரோசாப்ட் நிறுவனம் தனது ஆங்காங்கே உள்ள தனது பார்ட்னர்களை கொண்டு அந்தப்பகுதிகளில் உள்ள மாணவர்களுக்கு இலவசமாக டிவிடியையும் வழங்க ஏற்பாடு செய்துள்ளது.

எது எப்படியோ மைக்ரோசாப்ட் நிறுவனம் தனது மென்பொருட்களை 30 நாள்கள் மட்டும் பயன்படுத்த கொடுத்த அனுமதி இன்று மாணவர்களுக்கு இலவசமாக கொடுப்பதில் வந்து நின்றுகொண்டிருக்கிறது.
தொழில்நுட்ப போட்டிகள் ஏற்பட்டால் மட்டுமே பல்வேறு மாற்றங்கள் ஏற்படுகிறது. அதில் மைக்ரோசாப்ட்-ன் மாற்றமும் ஒன்று....

http://www.dreamsparkindia.com